غضب کے محرر
امام اہل سنت اعلی حضرت احمد رضا خان رحمۃ اللہ علیہ کی تحریر میں روانی غضب کی،زبان گویا تیرتی چلی جائے۔۔۔چنانچہ " فوزِ مبین در ردِ حرکت زمین" میں جدید اہل فلکیات والوں کے بارے میں لکھتے ہیں کہ "وہ نہ طریقِ استدلال جانتے ہیں نہ آداب بحث، کسی بڑے مانے ہوئے کی بے دلیل باتوں کو اصولِ موضوعہ ٹہرا کر ان پر بے سر و پا تفریعات کرتے چلے جاتے ہیں پھر وثوق وہ کہ گویا آنکھوں سے دیکھی ہیں بلکہ مشاہدے میں علطی پڑ سکتی ہے ان میں نہیں. ان کے خلاف دلائل قاہرہ ہوں تو وہ سننا نہیں چاہتے، سنیں تو سمجھنا نہیں چاہتے، سمجھیں تو ماننا نہیں چاہتے، دل میں مان بھی جائیں تو اس لکیر سے پھرنا نہیں چاہتے. " آج یہ بات اعلی حضرت کے مخالفین پر صادق آتی ہے،جن کے اذھان متحجر ہو چکے ہیں اور وہ کچھ اور سوچنے سمجھنے کے لیے تیار ہی نہیں. ✍️ علی رضا